Cynllun Trafnidiaeth Llywodraeth Cynulliad Cymru
Mae'r Dirprwy Brif Weinidog, Ieuan Wyn Jones, wedi lansio'r Cynllun Trafnidiaeth Cenedlaethol cyntaf erioed sy'n amlinellu sut bydd yn gwireddu gweledigaeth Cymru'n Un o system drafnidiaeth fodern a chynaliadwy i Gymru. Nod y cynllun yw sicrhau system drafnidiaeth sy'n addas i'r 21ain ganrif sy'n seiliedig ar dair prif egwyddor: bodloni'r galw am symudedd gwell a fydd yn galluogi twf economaidd a gwella ansawdd bywyd pobl Cymru; rhoi trafnidiaeth ar lwybr mwy cynaliadwy sy'n defnyddio llai o garbon; a defnyddio arian trafnidiaeth yn fwy effeithiol yn sgîl pwysau cynyddol ar gyllid cyhoeddus. Caiff yr angen i wella diogelwch y rhwydwaith ffyrdd ei nodi yn y cynllun hefyd fel prif gyfrifoldeb, gyda phwyslais penodol ar leihau nifer yr anafiadau ymhlith defnyddwyr diamddiffyn. Croesawyd y cynllun gan Jim Moore, rheolwr Partneriaeth Lleihau Anafiadau Ffyrdd Cymru, a ddywedodd y byddai'r bartneriaeth yn parhau i gydweithio'n agos â Llywodraeth Cynulliad Cymru i helpu i leihau anafiadau trwy fentrau addysg, peirianneg a gorfodi a pharhau ei waith i dargedu grwpiau diamddiffyn megis gyrwyr ifanc a beicwyr modur.
Cynllun Trafnidiaeth Cenedlaethol