Fel partneriaeth sy'n cynnwys sawl corff cyhoeddus, rydym yn aml yn cael ceisiadau am wybodaeth o dan Ddeddf Rhyddid Gwybodaeth 2000. Gweler mwy o wybodaeth am y Ddeddf a Gwybodaeth isod.
Beth yw diben Deddf Rhyddid Gwybodaeth 2000 (DRhG)?
Mae'r DRhG yn rhoi hawl cyffredinol i chi ofyn am wybodaeth sydd gan awdurdod cyhoeddus, er nad yw mathau penodol o wybodaeth ar gael oherwydd eu bod wedi'u heithrio rhag cael eu cyhoeddi. Mae hefyd yn rhoi sawl rhwymedigaeth ar yr awdurdod cyhoeddus. Nod y bartneriaeth yw hyrwyddo tryloywder a thegwch ym mhob peth mae'n ei wneud.
Sut gallaf wneud cais am wybodaeth?
Os nad yw'r wybodaeth rydych am ei chael eisoes ar gael ar y wefan hon, gallwch gyflwyno cais ysgrifenedig am wybodaeth o dan y Ddeddf Rhyddid Gwybodaeth. Gweler yr adran cysylltu â ni am sut i wneud cais.
Pa mor hir y bydd yn ei gymryd o wneud cais i dderbyn yr wybodaeth?
Ar ôl i ni dderbyn eich cais, byddwn yn dechrau casglu'r wybodaeth y gwneud cais amdani ac ymateb o fewn 20 niwrnod gwaith lle bynnag y bo'n bosib neu byddwn yn rhoi gwybod i chi am unrhyw oedi.
Oes rhaid talu ffi am yr wybodaeth y gwnaed cais amdani?
Lle bo'n rhaid talu ffi, caiff ei chyfrifo yn unol â chanllawiau cenedlaethol. Byddwn yn rhoi gwybod i chi am y swm cyn i ni barhau. Ar hyn o bryd, o dan y canllawiau cenedlaethol, mae gennym hawl i godi tâl am gost casglu a llunio'r wybodaeth fel a amlinellir yn y Cyfyngiad a Ffioedd Addas hyd at uchafswm o £450.
Pa fath o wybodaeth rydych yn ei rhyddhau?
Rydym yn cyhoeddi amrywiaeth eang o wybodaeth. Mae'r rhan fwyaf ohoni ar gael ar ein gwefan.
Beth wna i os nad wyf yn tybio fy mod wedi derbyn yr holl wybodaeth y gofynnais amdani?
Gallwch apelio i'r awdurdod cyhoeddus a ryddhaodd yr wybodaeth a gellir adolygu'r achos. Os ydych yn anfodlon ar yr ymateb, gallwch apelio'n uniongyrchol at y Comisiynydd Gwybodaeth y bydd ei staff yn ymdrin â'r mater ar eich rhan.