Peidiwch â Rasio ar ôl Pasio
Mae pasio eich prawf gyrru yn gyfle gwych.
Mae pasio'ch prawf gyrru yn gyfle gwych. Mae'n golygu bod yr holl oriau a £££oedd o wersi wedi talu'r ffordd ac y gallwch fwynhau rhyddid newydd. Fodd bynnag, mae'n hawdd colli'r rhyddid hwnnw...
Os cewch eich dal yn goryrru, byddwch naill ai'n cael dirwy o £60 a thri phwynt ar eich trwydded neu bydd y llys ynadon yn delio â chi. Os cewch chwe phwynt, byddwch yn colli'ch trwydded yn awtomatig ac yn mynd nôl i fod yn ddysgwr.
Beth mae hyn yn ei olygu i chi??
- Bydd raid i chi wneud cais eto am drwydded dros dro
- Bydd raid i chi ailsefyll y prawf ymarferol A'R prawf theori a thalu am hynny
- Bydd raid i rywun sydd dros 21 oed ac sy'n gyrru ers o leiaf dair blynedd fod gyda chi pan fyddwch yn gyrru.
- Ni fyddwch yn cael gyrru ar draffyrdd
- Bydd y premiwm yswiriant yn codi.
A pheidiwch â chael eich temtio i anwybyddu'ch pwyntiau. Byddai parhau i yrru heb drwydded ddilys yn drosedd a'r gosb uchaf yn £1,000!!