Mae rhai rhieni'n prynu Mini-Moto neu Go-ped i'w plant heb sylweddoli beth yw'r rheolau. Mae'r cerbydau modur bach hyn yn dod yn boblogaidd iawn ymhlith pobl ifanc ond nid pawb sy'n gwybod beth yw'r gyfraith:
NID YW'n gyfreithlon gyrru'r rhan fwyaf o bell ffordd o Mini Motos/Go Peds ar ffordd neu mewn lle cyhoeddus
- CHEWCH CHII DDIM yswiriant ar eu cyfer.
- Mae'n fwy na thebyg y byddwch yn torri sawl deddf os defnyddiwch y peiriannau hyn, yn enwedig mewn lle cyhoeddus e.e. Traffig Ffyrdd, Amgylcheddol, Ymddygiad Gwrth Gymdeithasol, ac yn torri Cytundebau Tenantiaeth.
- CEWCH eu gyrru ar dir preifat GYDA CHANIATÂD perchennog y tir, sef yr awdurdod lleol mewn rhai achosion. OND gallai'r awdurdodau iechyd yr amgylchedd eich herio a dylai perchennog y tir sylweddoli y gallai materion ynghylch atebolrwydd godi, yn cynnwys mynd yn groes i Ddeddfau Iechyd a Diogelwch.
- DYDI'R RHAN FWYAF ddim yn cydymffurfio â rheoliadau diogelwch sylfaenol yr UE. Yn aml, caiff y cerbydau hyn eu gwerthu o lefydd annibynadwy heb gefnogaeth ar ôl gwerthu ac yn aml does dim rhannau sbâr ar gael. Gallant fynd dros 30mya ac mae pobl wedi marw wrth eu defnyddio.
Y Gyfraith:
Os ydych yn mynd i reidio un o'r rhain, gofalwch gadw at y rheolau isod:
Mae pawb yn gwybod ei bod yn rhaid gwisgo helmed ddiogelwch ond mae mwy iddi na hynny.
Er mwyn bod yn gyfreithlon:
- Mae'n rhaid cau'r straben.
- Mae'n rhaid iddi ffitiio'n iawn.
- Mae'n rhaid iddi fod yn helmed ddiogelwch gymeradwy. Bydd naill ai sticer BS6658 ar y tu allan neu nod cymeradwyo'r GE ar y tu mewn. Dim ond BS 6658 mathau A a B neu gyfres 05 Rheoliad 22 y GE sy'n gyfreithiol yn y DU.
Does dim rhaid cael fisor (neu gogls) ond os oes gennych rai, mae'r gyfraith yn berthnasol.
Er mwyn bod yn gyfreithlon:
- Mae'n rhaid bod y fisor/gogls yn rhai cymeradwy. Bydd arnynt naill ai nod BS4110 neu nod newydd Rheoliad 22 y GE, math 05.
- Gall fisor â tint fod yn gyfreithiol os yw'r marciau priodol arno ar gyfer ei ddefnyddio yng ngolau dydd yn unig. Mae llawer o fisorau tywyll, adlewyrchol etc yng anghyfreithlon. Gofynnwch i'r gwerthwr am gyngor.
Rhaid i ddysgwyr ddangos platiau D / L.
- Rhaid iddynt fod yn blatiau BS. Chewch chi ddim gwneud rhai'ch hunan.
- Rhaid iddynt fod yn rhai llawn maint.
- Rhaid eu bod yn wynebu ymlaen ac yn ôl.
Er mwyn bod yn gyfreithlon, mae'n rhaid bod o leiaf 1mm o drwch gwadn ar deiars beic modur, yn barhaus ar draws 75% o'r teiar. Ar deiars moped, dim ond eich bod yn gallu gweld y rhychau.
Heb fynd trwy'r holl ddeddfau traffig ffyrdd, dyma grynodeb byr:
- Mae'n rhaid bod gan y gyrrwr drwydded lawn ar gyfer y peiriant y mae'n ei yrru, gwisgo helmed ddiogelwch ac ati.
- Mae'n rhaid bod modd i'ch beic gario rhywun ar y piliwn (h.y. mae'n rhaid bod troedleoedd cymeradwy a rhaid bod y sawl sydd ar y piliwn yn gallu eu cyrraedd). Does dim terfynau oedran, ond y gyrrwr sy'n gyfrifol am gario nwyddau neu bobl yn ddiogel.
- Rhaid i'r sawl sydd ar y piliwn wisgo helmed ddiogelwch. Does dim rhaid bod yn oed penodol i reidio ar y piliwn ond mae'n rhaid bod yn ddigon mawr i afael, eistedd â'r ddwy droed ar y pegiau traed (felly mae 'na gyfyngiad maint) a bod yn gallu deall y cyfarwyddiadau a roddwch yn iawn.
- Ydych chi'n barod i gymryd y risg o reidio'r cerbyd hwn neu adael i'ch plentyn wneud hynny gan wybod ei bod yn annhebygol ei fod yn ffit nac yn gyfreithlon gwneud hynny?