Gall tywydd gaeafol achosi problemau ar y ffyrdd a'i gwneud yn anodd gweld yn bell. Rhaid i chi addasu'r ffordd yr ydych yn gyrru yn ôl y tywydd ac os yw'r tywydd yn arw iawn, y cyngor gorau yw peidio â gyrru o gwbl.
Nodwch y pethau a ganlyn er mwyn cael taith ddiogelach:
- Gofalwch fod eich cerbyd mewn cyflwr da ac wedi cael gwasanaeth yn y garej yn barod at y gaeaf – hylif atal rhewi yn y rheiddiadur a digon o afael yn y teiars.
- Gwrandewch / gwyliwch am wybodaeth i deithwyr. Dywedwch wrth rywun lle rydych yn mynd a phryd yr ydych yn disgwyl cyrraedd.
- Gofalwch fynd â 'de icer' a chrafwr, dillad cynnes, bwyd, esgidiau cryf a thortsh.
- Gwylich rhag ofn na allwch weld yn bell o achos y tywydd.
- Gyrrwch yn arafach yn ôl y tywydd.
Mewn argyfwng:
- Stopiwch yn rhywle diogel i ddefnyddio'ch ffôn symudol neu gofynnwch i deithiwr ffonio. Ar draffordd, os yw'n ddiogel i wneud hynny, defnyddiwch ffôn argyfwng ar ochr y ffordd gan y bydd y gwasanaethau brys yn gallu dod o hyd i chi'n hawdd. Os bydd raid i chi ddefnyddio ffôn symudol, gofalwch eich bod yn gwybod lle'r ydych, gan ddefnyddio'r rhifau ar y pyst marcio ar ochr y llain galed.
- Arhoswch gyda'r cerbyd hyd nes y daw cymorth.
- Os oes raid i chi adael eich cerbyd i nôl cymorth, gofalwch fod gyrwyr eraill yn gallu'ch gweld.
Os bydd yn rhewllyd:
- Mae angen mwy o le i stopio – gall gymryd deg gwaith yn fwy o bellter i stopio ar heol rewllyd nag ar heol sych.
- Defnyddiwch y gêr uchaf bosib rhag i'r olwynion droelli.
- Os dechreuwych sgidio, codwch eich troed oddi ar y sbardun yn raddol ond peidiwch â brecio'n sydyn.
Mewn niwl:
- Gyrrwch yn araf.
- Defnyddiwch oleuadau niwl os na allwch weld yn bell.
- Cofiwch y gall niwl fod yn dameidiog felly peidiwch â chodi'ch cyflymder yn sydyn rhag ofn i chi gyrraedd darn arall o niwl.
Haul y gaeaf:
- Gall yr haul eich dallu ar ddiwrnod o aeaf am sawl eiliad ar y tro. Gyrrwch yn araf a gwisgo sbectol haul
Tywydd gwlyb:
- Cadwch ddigon pell oddi wrth y cerbyd o'ch blaen gan y gall fod angen mwy na dwywaith cymaint o le arnoch i stopio ag a fyddai ar heol sych.
- Gwyliwch rhag ofn i gerbydau eraill wneud i ddŵr budr dasgu drosoch.
- Mewn llifogydd, byddwch yn arbennig o ofalus a cheisio osgoi dŵr dwfn
Gyrru yn y Nos:
- Mae 90% o ymateb gyrrwr yn dibynnu ar weld, ac mae'n anodd gweld yn y nos.