Go Safe

Cyn cychwyn ar eich taith:

• Os oes modd, teithiwch yn y dydd ar briffyrdd y mae llawer o bobl yn eu defnyddio.
• Trefnwch eich taith ymlaen llaw a gofalwch fod map diweddar gennych.
• Os oes raid i chi deithio mewn tywyllwch, dywedwch wrth rywun i ble rydych yn mynd a phryd rydych yn disgwyl cyrraedd.
• Ewch â'ch ffôn symudol gyda chi. Gofalwch fod digon o fatri ynddi cyn cychwyn. Cofiwch ei bod yn anghyfreithlon defnyddio'ch ffôn wrth yrru, felly tynnwch i'r ochr yn ddiogel i'w ddefnyddio.
• Prynwch ddyfais i wefru'r ffôn yn y car.
• Gofalwch fod eich car yn cael ei wasanaethu'n rheolaidd. Gofalwch fod gennych ddigon o betrol, olew ac oerydd a bod gwasgedd y teiars yn iawn, yn enwedig cyn taith hir.

Wrth yrru:

• Cadwch at y terfyn cyflymder a nodir.
• Gwisgwch eich gwregys diogelwch. A wyddech chi bod dirwy o £30 neu fwy am beidio â gwisgo gwregys diogelwch?
• Cadwch ddrysau'r cerbyd ar glo a'r ffenestri wedi'u cau – yn enwedig mewn ardaloedd trefol a phan fydd y traffig yn mynd ac yn stopio bob yn ail.
• Mae blinder yn gallu lladd – stopiwch am dipyn yn rheolaidd.
• PEIDIWCH â chodi pobl sy'n bodio.
• Os byddwch mewn damwain, peidiwch â mynd i ffraeo â'r llall.
• Os bydd rhywun yn gwylltio â chi, cadwch eich ffenestri wedi'u cau ac arhoswch yn y car â'r drysau wedi'u cloi.
• Os ydych yn cael trafferth â'r car, stopiwch mewn ardal lle mae digon o olau a phobl a ffoniwch am gymorth ar unwaith.
• Os byddwch yn profi symptomau rhybudd o hypoglycemia wrth yrru - STOPIWCH! Dynnu i mewn cyn gynted ag y bydd yn ddiogel i wneud hynny. Hypoglycemia yn berygl i chi a defnyddwyr eraill y ffyrdd-don 't anwybyddu'r symptomau

Diogelwch y Cerbyd:

• Peidiwch â gadael dim yn y golwg yn eich car – mae hyd yn oed hen gôt ar y sedd gefn yn gallu temtio lleidr.
• Ewch â phopeth gyda chi pan fyddwch yn gadael y car. Os na allwch wneud hynny, clowch nhw yn y bŵt ar ddechrau'ch taith.
  Mae lladron yn chwilio'n arbennig am y pethau isod. Felly peidiwch byth â'u gadael yn y car:
  • ffonau symudol
  • gliniaduron
  • cardiau credyd a debyd
  • rderbynebau â rhifau cardiau
  • llyfrau sieciau
  • arian
  • dogfennau cofrestru cerbydau
  • post preifat yn dangos eich cyfeiriad
  • Dyfeisiau diogelwch
• Bydd cloeon a dyfeisiau diogelwch eraill yn atal lladron – mae'n well ganddynt darged hawdd