Gyrru yn y Deyrnas Unedig
COFIWCH y rheolau hyn wrth yrru yn y Deyrnas Unedig:
- Rhaid i chi yrru ar y chwith. Byddwch yn arbennig o ofalus wrth droi i'r dde.
- Talwch sylw i bob arwydd a beth maent yn ei olygu – yn enwedig ar gyffordd.
- Ar gylchfannau, rhowch flaenoriaeth i draffig sy'n dod o'r dde, os nad yw'r marciau ar y ffordd yn dweud fel arall. Gyrrwch o gwmpas y gylchfan yr un ffordd â'r cloc a rhowch arwydd eich bod yn troi i'r chwith wrth ddod at eich allanfa.
- Dim ond mewn argyfwng y dylech ddefnyddio llain galed y draffordd. Defnyddiwch eich goleuadau rhybudd. Defnyddiwch ffôn argyfwng gerllaw i alw am gymorth.
- Mae rheolau yfed a gyrru yn wahanol ym mhob gwlad. Felly, y peth gorau yn y DU yw peidio ag yfed o gwbl os ydych yn gyrru.
- Rhaid i chi a'ch teithwyr wisgo gwregysau diogelwch os oes rhai – yn seddau blaen a seddau ôl y cerbyd. Dylid rhoi plant ifanc mewn seddau diogel sydd wedi'u gosod yn iawn.
- Cadwch olwg am y terfynau cyflymder. Gall y terfyn fod yn is mewn rhai llefydd – edrychwch am yr arwyddion.
- Peidiwch â defnyddio'ch ffôn symudol wrth yrru. Mae hyn yn anghyfreithlon yn y DU.
- Os byddwch mewn damwain, mae'n rhaid i chi stopio a rhoi'ch enw, eich cyfeiriad a manylion eich yswiriant i'r gyrrwr/gyrwyr eraill sydd yn y ddamwain. Hefyd, mae'n rhaid i chi roi gwybod i'r heddlu os bydd rhywun wedi'i anafu.